Pilipinas, nakig-alayon sa ubang mga nasud aron masiguro ang igong suplay sa lana

Nakig-alayon ang Pilipinas sa pipila ka mga nasod aron masiguro ang igong suplay sa lana alang sa nasod.

Gibutyag ni Department of Energy (DOE) Secretary Sharon Garin nga lakip sa mga nasod nga gikonsulta mao ang Russia ug Australia.

Matod niya, kabahin kini nga lakang sa mga paningkamot aron maminusan ang posibleng negatibong epekto sa krisis sa lana.

Dugang pa niya, ang gikabalak-an nga pinakagrabe nga senaryo dili ang pagsaka sa presyo, kondili ang kakulang sa suplay sa lana sa nasod.

Nagpahayag siya og pagsalig nga positibo ang tubag niini nga mga nasod sa maong mga panaghisgot.