Nagkauyon ang mga gobyerno sa Pilipinas ug Vietnam nga palig-unon ang suplay sa bugas isip kabahin sa long-term food security.
Sumala ni DA Sec. Francisco Tiu Laurel Jr., ang maong kasabutan kabahin sa mas lapad nga estratehiya sa gobyerno aron mapalig-on ang trade partnerships uban sa mga nag-unang agricultural partners sa Pilipinas.
Naabot ang kasabutan human sa high-level discussions tali sa mga opisyal sa Pilipinas, lakip si Pres.Ferdinand Marcos Jr., ug ang Prime Ministry sa Vietnam nga si Lê Minh Hưng sa sideline sa 48th ASEAN Summit sa Cebu City.
Ubos sa usa ka tuig nga kasabutan, ang Vietnam gilauman nga mohatag og kapin 1.5 milyon ka metriko tonelada nga bugas ngadto sa Pilipinas.
Gilauman sa gobyerno nga makatabang kini sa pagpalig-on sa national buffer stocks ug pagpabiling stable sa presyo sa bugas taliwala sa pressure sa suplay sa merkado.
Matod sa Department of Agriculture, ang unang shipment sa imported rice gikan sa Vietnam gilauman nga moabot sa Abril 2027 kon ma-finalize na ang kasabutan.
