-- ADVERTISEMENT --
Gipasug-an na ang pinakataas nga Christmas tree sa kalibutan ngadto sa German city sa Dortmund sa Europa niadtong Lunes, Nobyembre 24, 2025 (oras sa Germany).
Nagbarog sa gitas-on nga 45 meters ang maong punoan nga minugna s 1,200 ka mga Norway spruces sumala pa sa lokal nga awtoridad sa Dortmund.
Mabulokong gipagayagan kini sa 140,000 ka mga Christmas LED lights ang 40 metriko tonelada nga punoan pinaagi sa usa ka ceremonial lighting.
Naggikan sa rehiyon sa Sauerland ang mga Norway spruces diin ang maong Christmas tree kay makita bisan pipila na ka metros ang gilay-on.
Unang gipabarog ang maong higanteng punoan niadtong 1996 nga gi-assemble sa mga hanas nga eksperto diin milanat sa kapin buwan ang pagtrabaho niini.
-- ADVERTISEMENT --
