CENTRAL VISAYAS-Nipahinumdom sa mga indibidwal ang pinakataas nga regional election official sa Central Visayas sa mga nagpapili sa Barangay ug Sangguniang Kabataan Elections (BSKE) karong Oktubre 30 nga kinahanglang e-pamilyar ang mga lagda sa pagpangampanya.
Matud ni Atty.Lionel Marco Castillano, Commission on Elections (Comelec) – Central Visayas regional director, nga ang mga lagda sa BSKE lahi sa naandan nga lokal ug nasudnong piniliay ilabi na sa pagpangampanya.
Kung diin dili tugotan ang mga kandidato nga makapahigayon og mga aktibidad nga may kalabotan sa pagpangampanya sa adlaw human sa kataposang adlaw sa pag-file sa COC o sa Septiyembre 3 hangtod sa Oktubre 18.
Matod usab niya nga bisan og wala pay nakonbikto sa vote-buying, seryoso ang election body sa pagpaningil sa mga indibidwal nga masakpan nga nalambigit sa pagbaligya ug pagpalit og mga boto.
Ang mga kandidato kinahanglan usab nga moduso sa ilang mga statement of contributions and expenditures (SOCE) aron dili sila masilutan kon mapakyas sila sa pagbuhat niini o mapamatud-an nga nagsobra sa paggasto atol sa piniliay.
Dugang pa, nga ang tanan nga mga kandidato, lakip ang mga modagan sa SK, gimandoan sa balaod nga mag-file sa ilang SOCE.
Ubos sa balaod, ang mga kandidato sa BSKE gitugotan nga mogasto lang ug PHP5 matag botante.
