Pinay nga yaya, mapasigarbuhon sa iyang anak nga nigradwar sa Harvard

CEBU – Daw sama sa nakajackpot si Jojit de Leon karon nga gradwado na sa Harvard ang iyang anak nga si Maria.

Gikonsiderar ang Harvard University sa Massachusetts, U.S.A. nga usa sa labing inila nga unibersidad sa kalibutan.

Nitapos si Maria sa kursong Bachelor of Arts sa Molecular and Cellular Biology sa naasoyng tunghaan niadtong 2022.

Dakog natabang kang Jojit ang pagkafull scholar sa iyahang anak gumikan ang pagtrabaho isip yaya sa Amerika mao ra iyahang gisaligan nga ibuhi ug ipa-eskwela sa iyahang mga anak.

Tungod sa pandemya, karon pa lang nahatagan og kahigayonan si Maria nga makatungtong sa entablado bisag nigraduwar kini duha ka tuig na ang milabay.