Cebu City- Gitino ni Philippine Drug Enforcement Agency (PDEA-7) Director Emerson Margate nga wala siyay direktiba nga mamahimo nga suguon ang mga opiniriso nga manglimpyo sa ilang buhatan ug palabayon ug basura gawas sa ilahang compound.
Kini subay na sa reklamo nga gipaabot sa Bombo Radyo ni Analiza Loremas, kinsang anak sa piniriso nga sila si Perla ug Reynaldo Abella .
Matud ni Director Margate nga hugot nga gidili sa ilang director general nga pagawas-gawason ang mga pinriso sa ilahang selda ug dakong tulubagon nila sa higayon nga kini ang makaikyas. Suma pa niini nga siya gayud ang unang mabalikan sa matangtang sa trabaho pananglitan nga makaikyas ang ilahang piniriso.
Matud pa nga duna silay 3 ka mga utility ug kung ugaling makapanglimpyo man ang mga piniriso , naa ra gayud kini sa sulod sa ilahang selda. Gihimakak usab niini nga kinahanglan pa nga mugawas sa compound sa paglabay sa basura sanglit naa man silay butangan sa basura ug dili mahimo nga ilabay nila kini sa eskina sanglit magreklamo usab ang ubang ahensya sa gobyerno nga nag opisina usab sa Sudlon.
Gipasalig hinuon niini nga iyahang pa imbestigahan ang maong reklamo ug misaad nga patubagon gayud ang iyahang sakop kung tinuod man gane ang maong alegasyon.
