Mitaliwan na sa edad nga 74 anyos ang multi-awarded Filipino playwright nga si Tony Perez.
Gikumpirmar sa iyang apo nga si Pearl Miranda ang pagkamatay sa iyang apohan pinaagi sa iyang social media account.
Apan, Wala kini maghisgot sa hinungdan sa kamatayon sa apohan.
Nailhan si Tony isip fictionist, pintor, educator, ug paranormal expert, ingon man sa mga katingalahan nga nahitabo sa Pilipinas.
Si Antonio Benjamin Silva Perez natawo niadtong Marso 31, 1951 sa San Fernando, Pampanga diin siya usa ka undergraduate sa Ateneo de Manila University sa AB Communications niadtong 1972 ug migraduwar sa Ateneo de Manila University Graduate School of Arts and Science gikan sa 1972 hangtod 1977.
Pipila sa mga stage play nga iyang namugna mao ang “Florante at Laura the musical”, “Sa Pugad ng Adarna the musical” ug uban pa.
Nakadawat kini og daghang awards lakip na ang Cultural Center of the Philippines (CCP) Thirteen Artist Awards niadtong 1974, FAMAS Award for Best Story niadtong 1975 ug daghan pang uban.
Nagpatik usab kini og mga libro sama sa “The Calling: A Transpersonal Adventure,” “New Love Spells.” ug daghan pa.
