Gipabilib sa Filipino singer nga si Matty Juniosa ang mga judges ug mga tumatan-aw sa sikat nga British talent show human sa iyang standing ovation audition.
Gikanta sa 27-anyos nga singer ang kanta ni Prince nga “Purple Rain,” nga miresulta sa standing ovation gikan sa mga tumatan-aw ug usa ka Golden Buzzer gikan sa inilang hurado nga si Simon Cowell. Tungod niini, direkta siyang nakasulod sa live shows sa kompetisyon.
Sa wala pa ang iyang audition, gipangutana si Matty ni judge Alesha Dixon kung unsa ang iyang pangandoy, ug mitubag si Matty, nga mahimong usa ka sikat nga world performer ingon man ang mga kabalaka sa kapakyasan sa miaging mga singing competition.
Kahinumduman nga niadtong 2019, miapil si Matty sa Idol Philippines diin nakasulod siya sa Top 12.
Nakurat usab si Simon Cowell sa reaksyon sa mga tumatan-aw, nga nag-ingon nga kini ang usa sa pinakadako nga reaksyon nga ilang nadawat sa show.
Samtang, gidayeg usab siya sa mga kaubang hurado nga sila si Amanda Holden, ug KSI, nga gidayeg ang iyang tingog, presensya sa entablado, ug bisan ang iyang malipayong personalidad.
Si Matty karon nagpuyo sa Glasgow, United Kingdom, diin siya nagtrabaho isip part-time waiter samtang gigukod ang iyang mga damgo sa musika.
Natawo siya sa Pilipinas ug nagdako sa lainlaing mga lugar sama sa Quezon, Mandaluyong, ug uban pang bahin sa nasud.
Kabahin usab siya sa singing group nga iDolls pagkahuman sa Idol Philippines, apan temporaryo kini nga nabungkag niadtong 2022 sa dihang nakahukom siya nga mobalhin sa United Kingdom aron magtuon og Musical Theater sa Royal Conservatoire sa Scotland.
Bisan pa sa mga hagit sa iyang kinabuhi lakip ang kapakyasan sa mga kompetisyon, ug pagbalhin sa gawas sa nasud, si Matty Juniosa nagpadayon sa pagpakita sa iyang dedikasyon ug determinasyon aron makab-ot ang iyang damgo nga mahimong usa ka world performer.
