CEBU – Gikumpirmar ni Compostela Mayor Joel Quiño nga adunay mga elected official sa ilahang lungsod nga miyembro usab sa Kabus Padatoon (KAPA).
Matud ni Mayor Quiño nga niadtu lang nakalabay nga semana niini nakuha ang maong operasyon ug gani giingung mao pa kini ang mga opisyal nga
susamang mibabag sa iyahang gihimu nga aksyon batuk sa KAPA.
Hinu-un, gibarugan sa mayor nga magpadayun gayud ang iyahang paggukud sa maong investment scam nga hangtud karun walay bisan usa sa kadagkuan niini ang mipatim-aw sa iyahang opisina.
Gipahibalu usab ni Quiño nga daghan sa mga miyembro niini sa ilahang lungsod ang sa hinay-hinay ang nahatagan na ug katin-awan nga usa ka dakung ilad ang ilahang gisudlan.
Apan adunay pipila ang ma-ulaw sa gihapun nga mudangup sa iyahang opisina.
Subay niini, giawhag sa mayor ang mga biktima sa KAPA sa ilahang lungsod nga mupatim-aw sa iyahang opisina arun nga makahimu kini ug inventory ug arun nga masayran ang ihap sa mga na-ilad, ingun man arun nga sila matabangan.
Uyun usab ang opisyal sa lakang sa gobyerno nga ma-apud-apud unya ang tanang na-freeze nga assets sa KAPA ngadtu sa mga nabiktima niini.
