CEBU CITY-Nanarbaho na lang matud pa isip caregiver sa mga masakiton ang pipila ka mga boxing trainers sa Estados Unidos tungod kay gi-postpone ang tanang mga boxing matches nunot na sa hulga sa COVID-19 pandemic.
Sa eksklusibong interview sa Bombo Radyo Cebu ngadto sa Pinoy trainer nga si Rodel Mayol, mibutyag kini nga nanirado na ang mga boxing gyms sukad niadtong Pebrero maong nisulod kini sa pagka-caregiver.
Matud ni Mayol, kinsang kanhi-world boxing champion ug lumad nga taga-Mandaue City, Cebu, nga nakahigayon usab kini og awhag sa mga apektadong trainers ug boxers nga motrabaho usab isip caregiver.
Hinuon makatabang kini alang kaniya tungod kay makakuha kini og 30 dolyares matag oras.
Sa pagkakaron, nag-self quarantine ang kanhi Pinoy boxer human masayud nga nagpositibo sa COVID-19 ang usa sa iyang gi-atiman.
Anaa kini sa maayong kahimtang ug mitambong kini sa mga kababayan nga likayan ang pagawas-gawas tungod sa hulga sa coronavirus pandemic. |GBS
