Gimando ni US War Secretary Pete Hegseth ang pag-atras sa anaa sa 5,000 ka tropa gikan sa Germany sa sunod nga tuig, matod sa Pentagon.
Ang pahibalo gihimo human gihulga ni US President Donald Trump nga i-atras ang mga tropa gikan sa kaalyado niini sa North Atlantic Treaty Organization (NATO) nga Germany taliwala sa panaglalis nila ni Chancellor Friedrich Merz, kinsa miingon nga gipakaulawan sa Iran ang US sa negotiating table.
Samtang, gisaway ni Trump ang dayag nga suporta ni Merz sa ideya sa Iran nga makakuha og mga nuclear weapon.
Sa usa ka pahayag, ang tigpamaba sa Pentagon nga si Sean Parnell miingon nga gilauman nila nga ang pag-atras sa ilang mga tropa makompleto sa sunod nga unom hangtod 12 ka bulan.
Hangtod sa Disyembre 31, 2025, adunay 12,662 ka aktibo nga tropa sa US sa Italy ug 3,814 sa Spain, samtang adunay 36,436 ka tropang Amerikano sa Germany.
