Ubay-ubay nga mga lugar ang naapektuhan ug gilunop tungod sa bagyong Enteng nga miigo sa habagatan-sidlakang bahin sa Cagayan (Baggao, Tumauini, Ilagan City) nahimutang sa habagatang bahin sa Isabela nga mga Isla sa Polillo nahimutang sa habagatang bahin sa mainland Quezon, Catanduanes Sur, Catanduanes, Albay, Sorsogon ug Masbate maoy bahin sa Ticao ug Burias Islands.
Samtang sa Kabisay-an, uban sa gipasidan-an tungod sa hulga sa bagyo nga naglangkob sa Northern Samar, Samar, Eastern Samar, Biliran ug northeastern portion sa Leyte.
Gani, pipila ka mga lugar sa Naga, Camarines Sur kay nakasinati og pagtaas sa tubig baha tungod sa pagbunok sa kusog nga pag-uwan.
Nikusog usab ang bagyong “Enteng” sa pagtabok niini sa kadagatan sa lungsod sa Bagamanoc, Cartanduanes.
Hinungdan nga gipataas sa Philippine Atmospheric, Geophysical and Astronomical Services Administration (PAGASA) ang Tropical Cyclone Wind signal number 2 sa mosunod nga mga lugar: Caramoan, Camarines Sur; lungsod sa Catanduanes nga naglakip sa Virac, San Andres, Pandan, Bato, Gigmoto, Bagamanoc, Panganiban, San Miguel, Viga, Baras, Caramoran ug mga lungsod sa Palanan, Divilacan, Dinapigue sa Isabela.
Gitambagan sa PAGASA ang mga maapektuhang lumulopyo nga mobakwit, ingon man ang mga mananagat nga maglikay nga molawig tungod sa pagkusog sa pag-ulan.
