CEBU – Nakatala ang lungsod sa Tudela, isla sa Camotes, probinsiya sa Sugbo, ug landslide, ingon man pagputol sa supply sa kuryente, mugna sa bagyong Agaton.
Gipahibalo ni Tudela Mayor Greman ‘Jojo’ Solante, nga sugod pa kagahapong adlawa nga nawagtang ang kuryente sa pipila ka mga lugar sa lungsod ug sa Poblacion area ang bag-o lang usab nabalik kaganihang buntag.
Matud pa, sa iyahang personal nga pagsusi, daghang mga sanga sa punoan ang nagpakatag na sa kadalanan human kini nangatangtang sa paghaguros sa hangin.
Usa ka barkong nag-angkorahe sa pantalan sa Consuelo Wharf sa lungsod sa San Francisco sa isla sa Camotes ang naunlod usab tungod sa dautang panahon dala sa bagyong Agaton.
Gikatahong dagko kaayo ang balod tungod sa kusog nga hangin nianang tungora hangtod nga nasudlan og tubig ang maong roro nga barko ug naunlod.
Samtang, gitino sa mayor nga niadto pang adlaw nga Biyernes sa dihang wala na niini gitugotan ang mga gagmay nga mananagat nga magpa-lawod gumikan sa dagkong balud sa kadagatan.
Hinuon, gi-asuy ni Mayor Solante nga wala may natala nga ‘casualty’ sa ilahang lungsod.
