Mopatuman og price freeze ang pipila ka mga dagkong tiggama sa mga batakang panginahanglan ug mga nag-unang palaliton isip suporta sa mga konsumidor nga Pilipino taliwala sa pagsaka sa presyo sa mga palaliton ug sa epekto sa El Nino phenomenon.
Mao kini ang gipahibalo sa Department of Trade and Industry.
Sa usa ka pahayag, ang DTI nagkanayon nga pipila sa mga kompanya ang boluntaryong nag-isyu og price freeze order sa mga piniling stock keeping units sa canned meat, processed milk, bottled water, instant noodles, condiments ug kape.
Sa wala pa ang maong inisyatiba, epektibo na ang automatic price freeze sa pipila ka probinsiya ug lungsod nga grabeng nadaot sa El Nino.
Ubos sa automatic price control, walay paglihok sa presyo sa mga batakang panginahanglan sulod sa 60 ka adlaw sa mga lugar nga gipaubos sa state of calamity.
