Nagpatawag og mga embahador sa Russia ang European Union ug pipila ka mga nasod sa Europa human gihulga sa Moscow ang posibleng pag-atake sa Kyiv ug giawhag ang mga langyaw, lakip ang mga diplomat, nga mobakwit sa kapital sa Ukraine.
Ang Germany, Norway, Netherlands, Poland ug Sweden lakip sa mga nagpatawag og mga embahador sa Russia, human sa pahayag sa Russia nga gitarget niini ang mga pasilidad sa militar ug“decision-making centers” sa Kyiv.
Sumala sa EU diplomatic service, ilang gipatawag ang chargé d’affaires sa Russia aron ipahayag ang kusganong pagsupak sa ilang gitawag nga “unacceptable escalation,” ug gipugos nga ang delegasyon sa EU magpabilin sa Kyiv bisan pa sa mga tensyon.
Nag-ingun ang tigpamaba sa EU foreign policy, ang delegasyon sa EU nagpabilin sa Kyiv.
Samtang sa Norway, ang Embahador sa Russia nga si Nikolai Korchunov gipatawag aron ipasabut ang giingong “klaro nga mga hulga batok sa mga langyaw nga personahe sa Ukraine.”
Samtang, ang Poland nanawagan alang sa hinanaling paghunong sa gitawag niini nga “explicit threats against foreign personnel in Ukraine.”
Samtang, ang embahada sa Russia sa Germany mihimakak sa mga pasangil ug gipugos nga sila naghimo lamang og “unlawful aggression” batok sa mga target sa militar.
Matod sa Moscow nga ang giplanong operasyon tubag sa giingong “terrorist attacks” sa Kyiv, lakip na ang insidente sa Luhansk nga nakapatay og 21 ka tawo—usa ka pangangkon nga gihimakak sa Ukraine, nga nag-ingon nga ang target usa ka yunit sa drone sa Russia.
