Nakakuha og suporta si Ukrainian President Volodymyr Zelenskyy gikan sa mga lider sa European Union (EU) atol sa katapusang adlaw sa summit sa EU didto sa Brussels, Belgium.
Nahitabo kini taliwala sa nagpadayon nga panagbangi sa Ukraine batok sa Russia.
Ang mga lider sa EU—nga sila si European Commission President Ursula von der Leyen ug European Council President Antonio Costa—nagkahiusa sa ilang pagsuporta, ug nanawagan sa mga kaalyado nga tabangan ang Ukraine ug palig-onon ang mga lakang batok sa Russia.
Dugang pa ni Von der Leyen, ang mga silot nga gipahamtang batok sa Russia dili tangtangon hangtod nga tapuson sa maong nasod ang nagpadayon nga gubat.
Nahitabo kini human sa bag-o nga desisyon sa Estados Unidos nga luagan ang mga silot sa pag-eksport sa lana gikan sa Russia ug sa gitawag nga “shadow fleet” niini—usa ka lakang nga nahitabo human sa panag-istoryahanay pinaagi sa telepono tali nila ni U.S. President Donald Trump ug Russian President Vladimir Putin.
