Gisusi sa Independent Commission for Infrastructure (ICI) inubanan ni Baguio City Mayor Benjamin Magalong ang pipila ka mga flood control control projects sa Dakbayan sa Talisay, Compostela, Liloan, ug uban pa gahapong adlawa, Nobyembre 16, nunot na usab sa kadaot nga gikabilin sa pagkuso-kuso ni Bagyong Tino niadtong Nobyembre 4.
Gawas sa ICI ug ni Magalong, anaa usab ang mga grupo sa mga imbestigador gikan sa DPWH Regional Director Danilo Villa, PRO-7 Regional Director Redrico Maranan ug uban pa.
Unang gisusi sa ICI ang Butuanon River sa dakbayan sa Mandaue nga nakahiagom og dakong kadaot human nga miawas ang tubig baha ug gibanlas ang pipila ka mga kabalayan nga anaa duol sa sapa.
Diin, nasayran nga niabot sa 12 ka metros , nga nakakalas og 14 ka mga indibidwal sa maong dakbayan.
Lakip usab sa gibisita sa mga personalidad ang lapad nga kadaut sa mga komunidad palibot sa Mananga River labi nga yanong giguba ra sa tubig-baha hinungdan nga nabanlas ang mga panimalay.
Gawas sa Butuanon ug Mananga River, gibisita usab niini ang Liloan nga usa sa mga grabeng gikuso-kuso sa katalagman, nga nikalas usab og kapin 20 ka mga kinabuhi tungod sa nahitabong dili makontrolar nga tubig-baha nga gipahinabo sa bagyong Tino.
Subay niini, atol sa pakighinabi sa mga sakop sa tigbalita kang Magalong,iyang gikabutyag nga gihangyo siya ni DPWH Sec. Vince Dizon nga abagan ug tabangan ang buhatan sa DPWH sa maong mga lakang.
