Nakaabot ang piso sa bag-ong lowest record nga P60.100 kada US dollar sa pagtapos sa patigayon kagahapong adlawa sa Huwebes, Marso 19 nga nagpakita sa pinakaluya nga lebel niini sa kasaysayan.
Nakarehistro kini og intraday low nga P60.4 at average nga natapos sa P60.161 human sa pagbukas niini sa P59.9.
Sumala sa mga analist, kini tungod sa padayon nga pagsaka sa presyo sa lana sa global nga merkado ug mga tensyon sa Middle East.
Milig-on usab ang dolyar tungod sa pagbalhin sa mga tigpamuhunan ngadto sa mga safe-haven assets.
Ang Bangko Sentral ng Pilipinas (BSP) miingon nga padayon kini nga nagmonitor sa sitwasyon ug andam nga mo-intervene kung gikinahanglan.
Ang ekonomista nga si Prof. Emmanuel Leyco nagpasidaan sa usa ka interbyu sa Bombo Radyo nga ang huyang nga piso magpataas sa presyo sa mga imported nga produkto, ilabi na ang petrolyo.
Tungod niini, gilauman nga motaas pa ang inflation kung ang piso magpadayon sa pag-ubos batok sa dolyar.
