CEBU CITY-Gikalipay sa grupong PISTON-Cebu ang temporaryong suspension sa Public Utility Vehicles Modernization Program (PUVMP) nga resolusyon sa Senado, subay sa ilang sugyot nga makalilisang ang maong programa sa mga drayber ug operators sa traditional nga jeepney sa kadalanan.
Kini subay sa agenda sa grupo sa pagsupak niini sa programang modernisasyon sa gobyerno sukad pa sa administrasyong Duterte sa tuig 2017.
Sa pakighinabi sa Bombo Newsteam kang Greg Perez, gibutyag niini nga partial nga kadaugan sa grupo ang gipasar nga Senate Resolution alang sa temporaryong suspension sa modernization program.
Dugang pa ni Perez, nga wala nila gisalikway ang lihok sa ubang mga drayber ug operators sa mga modernong jeepney sa pagpahigayon niini karong adlawa kana gumikan kay naligsan usab sila sa gipasaka nga resolusyon sa Senado.
