Musalmot sa halapad nga nationwide transport strike ang grupo sa pampulikong sakayan sa Sugbo karong adlawa sa Biyernes, Marso 27, 2026.
Gisaysay ni Greg Perez, ang chairman sa grupong PISTON Cebu sa eksklusibong pakighinabi sa Bombo Radyo Cebu News Team nga matod pa ang ilang pagsalmot kay ang pagkigkabahin sa hinuusang panawagan sa sektor sa pampublikong sakayan sa kalisod nga ilang giatubang mugna sa krisis sa krudo karong panahona.
Gilatid niini nga dili man nila kagustuhan nga mag-strike apan tungod kay wala na silay lain mabuhat sa kabug-at sa palas-unon sa kalisod sa ilang panginabuhi hinungdan nga nagkasabot sila aron madungog ang ilang panawagan.
Gani sumala pa nga aduna na silay mga kaubanan nga wala na mibyahe o namasada tungod sa malamoy nalang sa pagpatubil ang ilang kita sa usa ka adlaw.
Panawagan sa grupo ngadto sa publiko ug sa kagamhanan nga mao ang dunggon ang ilang sugyot tungod sa krisis nga giatubang sa nasud kun tibuok kalibutan.
Ang grupo adunay mga gitaganang mga road chokepoints sa dakbayan kun diin magtapok ang ilang mga sakop gikan sa sayong buntag diin ang mga dapit kay mao ang sa dalan P. Del Rosario, eskina Mabolo, Talamban ug uban pa para mas madungog sa katawhan ang ilang panawagan.
