CEBU CITY-Padayon pa gihapon ang PISTON Cebu alang sa panawagan sa gobyerbo kabahin sa PUV Modernisation Program.
Taliwala sa grabeng pagpamig-ot, pagpahimulos, ug pagpanglapas sa katungod nga nasinati sa PISTON Cebu niadtong 2023, nagpabilin gihapon ang walay kakapoy ug walay hunong nga paningkamot aron padayon ang usa ka katilingban alang sa kadaghanan.
Kahinumduman nga sa 2023 nasugdan ang Bus Rapid Transit (BRT) sa Cebu nga mao’y nag putol sa ilahang mga rota, tradisyonal man o modernized.
Samtang si IBON Foundation Executive Director Sonny Africa nagkanayon nga posibleng motaas ang pletihan sa umaabot nga mga tuig, base sa kasinatian sa Pilipinas dihang gi-privatize niini ang tubig ug kuryente.
Matod ni Africa nga ang mga transport corporations ug mga kooperatiba kinahanglan nga mokita og igong kuwarta aron mabayran ang mga utang sa modernong jeepney units ug bayad sa garahe ug uban pang galastohan ubos sa PUV Modernization Program sa gobyerno.
Kalabot niini, ang Land Transportation Franchising and Regulatory Board niingon nga ang paghiusa sa mga kooperatiba nagpasabot nga ang mga drayber dili na kinahanglang mag-kinumpetensyaay sa mga pasahero ug makakuha na sila og fixed nga sweldo.
