METRO MANILA-Nagplano ang transportation group nga PISTON nga moapil sa 3-ka adlaw nga paghunong pasada nga sugdan sa grupong Manibela sunod semana.
Matod ni PISTON national president Mody Floranda, molusad sila og lapad nga transport strike dili lang sa NCR kon dili sa tibuok nasud.
Dugang pa niini,nga makig-estorya siya kang Manibela Head Mar Valbuena aron maplantsa ang ilang sunod nga plano human mobarog si Presidente Ferdinand Marcos Jr. nga ipadayon ang pagpatuman sa Public Transport Modernization Program bisan pa sa mga panawagan nga suspensuhon kini lakip na ang Resolution nga gisang-at sa 22 ka mga Senador.
Matud pa ni Floranda nga kinahanglang tun-an sa Presidente ang resolusyon sa Senado.
Giinsistir usab niini, nga ilang gihimo ang ilang bahin sa ubang mga grupo nga supak sa konsolidasyon aron ma-modernize ang ilang mga yunit.
