PROVINCE OF CEBU-Naangol ang Pito ka tawo human madisgrasya ang mini bus sa diversion road sa Sitio Cogon, Barangay Poblacion sa dakbayan sa Carcar alas 4:10 sa Lunes sa buntag Hulyo 10, 2023.
Ang mga naangol mao silang Rey Ybañez, 27, Warren Plarisan, 31, Vivian Abella 57, Martie Barangan,18, Johnar Ybañez 23, Jundy Barbieros, 26 ug Bon Roland Miñoza, 26 anyos pulos taga dakbayan sa Carcar.
Sa imbestigasyon sa kapulisan nasuta nga gikan sa lungsod sa Pinamungajan ang yellow mini bus nga adunay plate number 071209 nga gimaneho ni Argey Ogahayon paingon sa dakbayan sa Sugbo.
Apan pag abot sa maong lugar wala naka-control ang driver nga si Ogahayon ug ni bangga kini sa usa ka tindahan nga mi-resulta sa pagkaguba niini.
Naatlan usab nga nag inom ang mga biktima sa maong tindahan atol sa pag overshoot sa bus.
Daling gidala ang mga biktima sa Cebu Provincial Hospital sa Carcar ang mga biktima samtanggitanggong karon sa police station ang driver ug mag-atubang kini og kasong Reckless Imprudence Resulting in Multiple Physical Injury.
