Nibalos pinaagi sa paghagit usab ang atake ni Philippine National Police (PNP) chief Gen. Nicolas Torre III ngadto kang Davao City Acting Mayor Sebastian “Baste” Duterte sa usa ka charity boxing match.
Kini human nga gihagit ni Baste si Torre og sumbagay.
Gikanayon ni Torre nga ang kita sa duwa kay ipanghatag og hinabang alang sa mga naapektuhan sa kaylap nga pagbaha sa Metro Manila ug uban pang mga lugar tungod sa habagat ug bag-o nga tropical cyclones.
Ingon man nga gisugyot ni Torre nga 12-round nga duwa sa alas-9 sa buntag karong Hulyo 27 sa Araneta Coliseum sa Quezon City.
Apan, kung gani dili mamahimo sa Araneta Coliseum, kay andam ra usab si Torre nga sa bisan asang gym nga dunay boxing ring.
Abli usab siya sa pagpasalida sa boxing match sa social media platforms apan iyang giawhag ang mga motan-aw sa pagdonar alang sa mga biktima sa bagyo.
Gawas sa paghagit og sumbagay nibuhi usab og mga halang nga pulong si Baste sama nalang sa talawan, ug daw isog lang kini kay adunay position.
Ingon man nga pagpakaaron-ingnon kini nga maayo o bright apan ang tinuod kay makaluluoy ang kahimtang ni Torre.
