Cebu City-Gitataw ni Senator Imee Marcos nga kuwang ang kapulisan kung wala ang mga kababayn-ang pulis.
Kini ang tipik sa mensahe sa Senadora atol sa programa sa Police Regional Office (PRO-7) subay sa obserbasyon sa Women’s Month karong buwana.
Matud sa opisyal nga adunay dako nga papel ang mga kababayn-an dili lamang sa komunidad apan lakip na sa han-ay sa Philippine National Police.
Sa karon nga panahon nga lahi na ang trend sa kapulisan diin kasagaran sa mga trabaho niini ang paghatag og serbisyo sa komunidad, dako kaayo og gamit ang policewomen sanglit determinado usab ang mga babaye sa paghatag og serbisyo sa publiko may labot na sa family concerns.
Subay niini, giawhag usab ni Marcos ang mga kababayn-ang pulis nga padayong i-challenge ang kaugalingon nga mupatigbabaw sa matag serbisyo nga pagbuhaton. | GS with reports from Joan Gantalao
