CEBU CITY-Gikonsedirar ang tanang aggulo karon sa kapulisan sa dakbayan sa Talisay subay sa kamatayon ni Police Corporal Marlon Belleres, lumulupyo sa Deca Homes Barangay Dumlog Talisay City kinsang gipusil patay kaganihang buntag sa naasoy nga dapit
Si Police Major Gerard Ace Pelare, hepe sa Talisay PNP nagkanayun nga nanghina-ut ang kapulisan sa dakbayan sa Talisay nga masikop ang responsabli sa pagpamanhig patay sa ma-o’ng pulis pina-agi sa pagsuta sa mga CCTV footage sa ma-o’ng dapit ingon man pakighinabi sa mga nakakita atol sa krimen.
Si Belleres padung matud pa nga motrabaho sanglit sakop kini sa Mobile Patrol Group sa Cebu City Police Office apan sa pag-gawas ni-ini gikan sa panimalay kalit kining gipusil sa wa ma-ilhi’ng mamumuno nga kalit ng mi u-turn sa ila’ng pagsugat.
Dugang pa ni Pellare nga naka-full face helmet ang ma-o’ng suspetsado ug nag-inusara’ng nagsakay sa usa ka motorsiklo.
Wala nakabunlot ang biktima sa armas ni-ini ug naka-agum ug mga samad-pinusilan sa nagkada-iyang parte sa lawas hinungdan sa iyang hinanaling kamatayun.
Nakuha pa usab sa suspetsado ang cellphone sa biktima ug pito usab ka kabhang sa bala ang narekober sa kapulisan gikan sa crime scene. | MD with reports from Joan Gantalao
