Personal nga gipasalamatan ni Pope Francis ang mga miyembro sa medical team nga miluwas sa iyang kinabuhi sa lima ka semana nga nagpabilin sa ospital tungod sa double pneumonia niini.
Miyerkules sa buntag, nakigkita ang 88-anyos nga pontiff sa 70 ka mga doctor ug kawani gikan sa Gemelli Hospital sa Roma, diin siya gitambalan sulod sa 38 ka adlaw.
Sama sa iyang kataposang pagpakita sa publiko, niadtong Domingo, ang Santo papa wala mogamit og oxygen nga miatubang sa iyang mga doctor.
Ingon man nga padayon ang pag-awhag sa medical team sa papa nga mopahuway og duha ka bulwan human sa pagbiya sa ospital aron hingpit nga mamaayo ang iyang lawas.
Si Francis sa sinugdan nagpabilin nga wala makita human sa pagpauli apan karon naghimo na sa daghang mubo nga pagpakita sa publiko.
Sa umaabot nga mga adlaw diin nagsunod ang labing menos 6 ka religious celebrations sulod sa upat ka adlaw diin lakip niini ang Easter Sunday kay wala pa gitino kung pila ang apilan sa Santo Papa apan ang sigurado kay ang senior cardinal nga manguna sa matag selebrasyon sa lugar sa papa.
