Gipanghimakak ni Pope Leo nga iyang gisaway si US President Donald Trump sa iyang bag-ong mga pamahayag niadtong miaging mga adlaw, taliwala sa nagkalain-laing interpretasyon sa iyang mga pahayag bahin sa gubat ug global leadership.
Gihatagan og katin-awan sa Santo Papa nga wala siyay gipuntirya nga bisan kinsa sa iyang giingong pahayag nga ang mga “tyrant” naggasto og binilyon alang sa armadong panagbangi.
Matod niya, kini usa lamang ka kinatibuk-ang pag-obserbar sa padayon nga paggasto sa pondo alang sa gubat imbes sa kalinaw ug kaayohan sa katawhan.
Gipasiugda usab niya nga wala siyay personal nga interes o tuyo nga makigdebate kang Trump, ug mi-awhag hinuon siya sa dayalogo ug malinawon nga pamaagi sa pagsulbad sa mga panagbangi sa kalibotan.
Kahinumduman,nga gisaway ni Trump ang Santo Papa, ilabina sa iyang posisyon nga misupak sa gubat nga gipangulohan sa Estados Unidos ug Israel batok sa Iran.
