Gipahibalo ni Pope Leo ang iyang hinay-hinay nga pagbalik sa naandan niyang mga kalihokan atol sa iyang unang publikong pagpakita sukad sa operasyon sa baga lima ka adlaw ang milabay.
Ang 71-anyos nga Santo Papa gioperahan aron tangtangon ang ubos nga bahin sa iyang tuo nga baga.
Gipagawas siya sa Gemelli Hospital sa Roma niadtong Sabado ug mibalik sa Vatican.
Sa iyang pakigpulong sa mga peregrino sa St. Peter’s Square niadtong Domingo, nagpasalamat siya sa mga tawo sa tibuok kalibotan sa ilang mga pag-ampo ug mipasalig nga hinay-hinay niyang ipadayon ang iyang naandan nga eskedyul.
Giawhag usab niya ang mga peregrino nga isalikway ang hakog nga mga ambisyon ug mag-alagad sa Diyos nga walay pagkompromiso.
Si Pope Leo nadayagnos nga adunay ‘lung adenocarcinoma’, usa ka matang sa kanser sa baga, pipila lamang ka bulan human sa iyang pagkapili isip Santo Papa niadtong Mayo 2025.
