-- ADVERTISEMENT --
Gidayeg ni Pope Leo XIV ang mga batan-on nga mitambong sa iyang misa sa Paris, France.
Kapin sa 700,000 ka tawo ang mitambong sa misa nga gipahigayon sa gawas, sa usa ka espesyal nga altar sa Place de la Concorde, isip kabahin sa iyang upat ka adlaw nga pagbisita sa maong nasod.
Sa wala pa ang misa, milabay ang Papa sakay sa popemobile ubay sa Champs-Élysées Avenue, diin daghang tawo ang nanglinya aron makakita kaniya.
Mitambong usab sa maong misa ang mga opisyal sa gobyerno ug ubang mga politiko, human sa una nang pakigtagbo ni Pope Leo XIV kang French President Emmanuel Macron.
Sa iyang wali, gidasig sa Papa ang mga batan-on nga lig-on nga magpabilin sa ilang pagtuo ug ipaambit kini sa uban aron sila usab mahatagan og inspirasyon.
-- ADVERTISEMENT --
