Nipadangat og pag-ampo niadtong Domingo si Pope Leo XIV alang sa mga biktima sa baha sa Habagatang-sidlakan ug Habagatang-sidlakan nga Asya nga gipahinabo sa mga semana nga kusog nga pag-ulan.
Usa ka sunod-sunod nga bagyo ug ulan sa habagat ang miigo sa Habagatang-sidlakan ug Habagatang-sidlakan nga Asya, nga nagpahinabog mga pagdahili sa yuta ug kalit nga pagbaha gikan sa mga kalasangan sa kasadpang isla sa Sumatra sa Indonesia ngadto sa mga plantasyon sa kabukiran sa Sri Lanka.
Matod sa Santo Papa, duol kaniya ang mga tao sa maong bahin sa Asya, busa nipadangat kini siya og pag-ampo sa mga biktima, ingun man sa mga pamilya nga nagbangotan sa ilang mga minahal nga nitaliwan, ug usab alang sa tanan nga naghatag og tabang.
Gani, nag-awhag usab siya sa internasyonal nga komunidad ug sa tanan nga mga tawo nga adunay maayong kabubut-on nga suportahan ang matag ka igsoonan sa mga rehiyon nga adunay konkreto nga mga lihok sa panaghiusa.
