Miduyog sila si King Charles ug Queen Camilla kang Pope Leo XIV sa pag-ampo sa Sistine Chapel sa Vatican City.
Si King Charles mao ang unang pangulo sa Church of England nga nag-ampo sa publiko uban sa Santo Papa.
Ang Santo Papa ug Hari nga nag-uban nga nag-ampo nga giisip nga simbolo pagkahuman sa dul-an sa 500 ka tuig sukad ang Church of England mibulag sa Roma.
Sa wala pa ang prayer service, ang Hari ug Rayna sa Inglatera kay adunay usa ka pribado nga panagpulong sa Santo Papa.
Nagbinayloay usab og mga regalo si Pope Leo ug ang British Royals aron markahan ang makasaysayanong okasyon.
Sa iyang bahin, gipresentar ni King Charles sa Santo Papa ang usa ka dako nga pilak nga litrato ug icon ni St. Edward the Confessor, ang Anglo-Saxon nga hari sa England nga nailhan nga “man of great prayer”.
Agig balos, gihatagan sa Santo Papa ang Hari og scale version sa mosaic nga ‘Christ Pantocrator’ gikan sa usa ka katedral sa Sicily, nga gihimo sa Vatican.
Anaa karon sa Vatican si King Charles isip kabahin sa iyang official state visit.
