Nipadayag sa tumang kasubo ang Santo Papa nga si Pope Leo XIV human sa kamatayon sa tulo ka mga tawo samtang sila nagpuyo sa usa ka Katoliko nga Simbahan sa Gaza City.
Niingun ang Santo Papa nga ang Israeli airstrike sa Holy Family Church nakahasol pag-ayo ug makapasubo.
Sa nasangpit nga insidente, siyam pa ang naangol lakip na ang kura paroko sa naasoyng simbahan.
Apan, giklaro sa foreign ministry sa Israel nga wala silay tuyo nga moigo sa mga relihiyosong dapit, ilabina dili mga sibilyan, ug nipasalig nga ilang tun-an ang insidente.
Nunot sa panghitabo, daghang mga residente sa Gaza ang nagpabilin sa mga simbahan sukad nga gipakusog sa Israel ang mga pag-atake niini.
Kahinomdoman nga kaniadtong buhi pa si Pope Francis, kanunay siyang motawag sa simbahan ug mangutana kong kumusta ang kahimtang niadtong nidangop sa gubat.
Tungod niini, si Pope Leo XIV nanawagan na usab alang sa usa ka dugay nga ceasefire tali sa Israel ug Hamas.
