Gipangunahan ni Pope Leo XIV ang usa ka makasaysayanon nga katapusang misa alang sa kapin usa ka milyon nga mga batan-ong Katoliko gikan sa tibuuk kalibutan.
Nasyaran nga ang naasoy nga kataposang misa sa Santo Papa isip kabahin sa dakong youth pilgrimagena nga nagtigom sa mga batan-on gikan sa tibuok kalibotan sa pagsaulog sa Jubilee holy year nga adunay tema sa pagtuo, panaghiusa, ug paglaom.
Sa hinapos sa semana, anaa sa 500,000 ka batan-on ang nangabot sa Roma, ug niadtong Sabado sa gabii, gitaho sa mga tig-organisar niabot sa 800,000 ang mitambong sa vigil.
Nisaka kini sa 1 milyon ang ihap gahapong adlawa.
Sa maong panagtigom ug atubangan sa milyong batan-ong Katoliko gikan sa 146 ka nasod nanawagan ang Santo Papa sa panaghiusa ug lig-on nga pagtuo sa pagtukod og mas tawhanon nga kalibutan.
