Giisip sa Catholic Bishops’ Conference of the Philippines (CBCP) si Pope Leo XIV nga usa sa labing paspas nga napili nga Santo Papa sa kasaysayan sa Simbahang Katoliko.
Matod sa tigpamaba sa CBCP nga si Fr. Jerome Secillano, nga upat lang ka mga balota ang nabutang sa mga cardinal.
Dugang niini nga posibleng hinungdan niini mao nga dugay na nilang gikonsiderar si Cardinal Prevost ug nakadungog na sila bahin sa iyang background sa mga general congregations diin si Pope Leo usa usab ka canon lawyer ug daghang pinulongan.
Mahimong isipon sa mga cardinal electors si Cardinal Prevost nga anaa sa taas nga posisyon sa Vatican isip pangu sa Dicastery for Bishops, nga nagtabang sa Santo Papa sa pagtudlo sa mga obispo sa tibuok kalibutan.
Gitumbok usab ni Fr. Secillano, nga ang pangalan sa Santo Papa timaan sa pag-ila ug pagrespeto sa mga kabus ug mamumuo.
Gipahibalo usab sa opisyal sa CBCP nga ang tanang mga Pilipinong Katoliko nagkahiusa sa pagsunod ug pagsuporta sa papacy sa bag-ong papa.
