Gipaabot sa mga global economist ang mamahimong desisyon sa Bangko Sentral ng Pilipinas (BSP) sa posibleng pagpagaan sa monetary policy sa umaabot nga miting niini karong Oktubre.
Kini nga miting kritikal tungod kay kini ang magdesisyon kung adunay pagbag-o sa karon nga polisiya sa pinansyal sa nasud.
Base sa pagtuki sa United Overseas Bank (UOB) nga nagbase sa Singapore, gikinahanglan pa ang dugang adjustment sa interest rates tungod sa padayong pagsaka sa presyo sa mga palaliton ug hinay nga pagtubo sa gross domestic product (GDP) sa nasod.
Sa usa ka pamahayag nga gipagawas, ang usa ka ekonomista sa UOB miingon nga adunay posibilidad nga usbon pa ang 25-basis-point rate sa dili pa matapos ang karon nga tuig aron mapadayon ang momentum sa pagtubo sa ekonomiya hangtod sa 2026.
Kini nga panglantaw gisuportahan usab sa ubang dagkong bangko ug pinansyal nga institusyon sa rehiyon, lakip ang DBS Bank, laing dakong bangko sa Singapore, ING Bank nga nakabase sa Netherlands, ug MUFG Bank of Japan.
