Pormal nga ablihan ang International Media Center (IMC) sa Mayo 5, 2026 sa Mactan World Museum, Lapu-Lapu City, Cebu, alang sa tanang accredited nga media nga mo-cover sa ika-48 nga ASEAN Summit ug mga kalambigit nga tigom.
Kung diin, si Pres.Ferdinand R. Marcos Jr. moapil sa mga lider sa ASEAN member states atol sa Summit Proper sa Mayo 8, 2026.
Ang IMC magsilbing sentro sa media operations, nga maghatag og workspace, internet connectivity, briefing halls, ug broadcast facilities aron masiguro ang tukma ug komprehensibong coverage sa summit.
Lakip usab niini ang International Broadcast Center, video ug photo distribution desk, ug live feed monitoring stations, uban sa kompletong technical ug logistical support alang sa media.
Ang pag-abli sa IMC nagpakita sa kahandaan sa Pilipinas isip host sa ASEAN Summit ug sa pasalig niini sa paghatag og episyente ug propesyonal nga media coverage.
Gilauman nga molahok sa opening program si Presidential Communications Office Secretary Dave Gomez ug ASEAN National Organizing Council Director-General Ma. Hellen B. De La Vega, kauban ang mga lider sa lokal nga gobyerno.
Gibanabana nga 800 hangtod 1,000 ka media practitioners ang mo-cover sa maong internasyonal nga kalihokan.
