Pormal na nga gibuksan ni President Ferdinand “Bongbong” Marcos Jr. ang ika-49 nga Association of Southeast Asian Nations (ASEAN) Summit ug mga may kalabotan nga tigom sa Philippine International Convention Center (PICC) sa Pasay City, Metro Manila karong adlawa, Dominggo, Nobyembre 15, 2026.
Ubos sa temang “Navigating Our Future, Together,” ang maong tulo ka adlaw nga summit ipahigayon gikan Nobyembre 15 hangtod 17, 2026.
Tungod niini, gideklarar na usab ang special non-working days sa tibuok Metro Manila gikan Nobyembre 16 hangtod 18.
Atol sa pagbukas, gipasiugda ni Presidente Marcos ang kapin sa 100 ka mga deliverables ug 19 ka mga economic goals ubos sa pagdumala (chairship) sa Pilipinas.
Gipunting niini ang konkretong kooperasyon sa rehiyon, paglambo sa ekonomiya, seguridad sa enerhiya ug pagkaon, ug ang katumanan sa ASEAN Vision 2045.
Mitambong sa maong dagkong panagtigom ang nagkadaiyang mga lider sa kalibutan, lakip na sila si US President Donald Trump, Canadian Prime Minister Mark Carney, Brazilian President Luiz Inácio Lula da Silva, Australian Prime Minister Anthony Albanese, ug UN Secretary-General António Guterres.
Anaa usab ang mga lider gikan sa mga miyembrong nasud sa ASEAN, samtang usa ka career diplomat ang nagsilbing representante sa Myanmar.










