Nagpadayon ang pagpangita sa mga rescue teams sa Indonesia sa mga posible pang mga survivors human sa kusog nga linog nga mikalas sa kinabuhi sa kapin 53 ka tawo.
Ang magnitude 7.7 nga linog mi-igo sa isla sa Flores sa wala pa ang alas-5 sa kaadlawon ug matud sa Indonesian Meteorology and Geophysics Agency, 15-kilometro ang giladmon sa linog.
Sumala sa National Disaster Management Agency, kapin 900 ka mga balay ug gatusan pang mga bilding ang grabeng nadaot tungod sa linog apan padayon pa ang assessment aron matumbok ang kinatibuk-ang danyos ug posible pang mosaka ang ihap sa mga namatay.
Pinakagrabe ang epekto sa Manggarai Province, diin 24 na ang namatay samtang 17 usab ang namatay sa East Manggarai, tulo sa Sikka, ug lain pa sa matag-probinsya sa Ngada, Ende ug West Manggarai.
