Gipahibalo ni Presidente Ferdinand R. Marcos Jr. ang pag-realign sa P36 bilyones, nga orihinal nga gitumong alang sa mga flood control projects, ngadto sa Department of Social Welfare and Development (DSWD) aron suportahan ang nagkalain-laing mga social welfare programs.
Gihimo ni Marcos ang pamahayag atol sa usa ka miting uban sa mga piniling benepisyaryo sa Pantawid Pamilyang Pilipino Program (4Ps) sa Malacañang Palace sa Manila, usa ka kalihokan nga gipasiugdahan sa DSWD nga nagtimaan sa culmination sa National Family Congress 2025.
Matud ni Marcos nga ang mga benepisyaryo kay mao ang rason rason ug tinubdan sa inspirasyon ug kaisog sa pagbuhat sa trabaho nga maayo ug matinud-anon aron matabangan ang mga hinigugma niini nga katagilungsod.
Gikanayon usab sa Presidente nga ang realigned budget igahin sa DSWD’s 4Ps, Assistance to Individuals in Crisis Situations (AICS), Sustainable Livelihood Program, ug Payapa ug Masaganang Pamayanan (PAMANA) Program.
Dugang usab niini nga gitun-an karon sa iyang administrasyon ang posibleng pag-amendar sa Republic Act (RA) 11310 o ang 4Ps Act aron maseguro nga mas makatubag ang programa sa nag-uswag nga panginahanglan sa mga kabus nga panimalay.
