Mobiyahe si President Ferdinand Marcos Jr. paingon sa Singapore alang sa lima ka adlaw nga working visit gikan karong adlawa, Oktubre 7 hangtod Oktubre 11.
Tumong sa maong pagbisita ang pagpalig-on sa relasyon tali sa duha ka nasod, ilabi na sa natad sa ekonomiya.
Gibutyag ni Foreign Affairs Assistant Secretary Analyn Ratonel nga personal nga gidapit ni Prime Minister ug Minister for Finance Lawrence Wong ang Presidente nga mobisita sa Singapore.
Mahinungdanon ang maong pagbisita tungod kay hapit na matapos ang termino sa Pilipinas isip ASEAN Chair, ug andam na ang Singapore nga mopuli sa maong tahas.
Ang Pilipinas gikatakdang mo-host sa 2026 ASEAN Summit gikan sa Nobyembre 16 hangtod 18.
Atol sa iyang pagbisita, gilaumang motambong si Presidente Marcos sa 24th Forbes Global CEO Conference uban sa mga nag-unang lider sa negosyo gikan sa Singapore ug sa tibuok kalibotan, diin iyang ipaambit ang mga prayoridad sa nasod bahin sa pamuhunan ug ekonomiya alang sa kalamboan sa mga importanteng sektor.
Gikatakda usab nga mobisita ang Presidente sa Singapore Nuclear Research and Safety Institute.
