Gitakdang pangunahan ni President Ferdinand Marcos Jr. ang 1st Semester 2026 AFP Command Conference karong adlawa, Hulyo 7, didto sa Tejeros Hall sa Camp Aguinaldo.
Gipaabot nga kini na ang kataposang command conference nga tambongan ni AFP Chief General Romeo Brawner Jr. sa dili pa ang iyang gitakdang pagretiro sa military service karong Hulyo 21.
Ang pagretiro ni Brawner nahisubay sa pagtapos sa iyang tulo ka tuig nga termino isip Chief of Staff, base sa probisyon sa Republic Act No. 11939.
Taliwala niini, nagpabilin nga tikom ang Malacañang kon kinsa ang mosunod sa pwesto ni Brawner.
Matud ni Palace Press Officer USec. Claire Castro, wala pa makapili si Presidente Marcos og opisyal nga mohulip sa maong posisyon, apan gikumpirma niini nga gilangkuban sa mga “three-star generals” (mga Lieutenant General ug Vice Admiral) ang mga nominado.
Gawas sa pagpangandam sa liderato, gipahayag sa Palasyo nga hisgutan usab sa mga dagkong opisyal sa Armed Forces of the Philippines (AFP) ang pipila ka mga krusyal ug importanteng isyu sa nasudnong seguridad sulod sa maong siradong tigom.
