Gideklarar ni Presidente Ferdinand “Bongbong” Marcos Jr. ang special non-working day sa lima ka lugar sa nasud sa umaabot nga mga semana sa Enero ug Pebrero 2026.
Sumala sa opisina ni Executive Secretary Ralph Recto, gipagawas ang managlahi nga mga proklamasyon ang gi-isyu alang sa special non-working day sa usa ka probinsya, duha ka siyudad, ug duha ka lungsod, sa usa ka pahibalo nga gi-isyu niadtong Sabado sa hapon.
Pinaagi sa Proclamation 1143, ang trabaho sa Cadiz City sa Negros Occidental suspendihon sa Enero 26 isip pagsaulog sa ika-52 nga anibersaryo sa Dinagsa Festival.
Samtang, sa Pebrero 2, ang ika-208 nga anibersaryo sa Ilocos Norte saulogon isip adlaw nga walay trabaho sumala sa Proclamation 1147.
Adunay adlaw nga walay trabaho sa Biñan City sa Pebrero 3, isip pagsaulog sa ika-81 nga anibersaryo sa ilang Adlaw sa Kagawasan, basi sa Proclamation 1144.
Samtang, ang anibersaryo sa pagkatukod ug ang BOG Festival gikatakda usab nga saulogon sa Buug, Zamboanga Sibugay, busa kini usab adlaw nga walay trabaho sumala sa Proclamation 1145.
Sa katapusan, sumala sa Proclamation 1146, ang Pebrero 28 usa usab ka adlaw nga walay trabaho sa Sarrat, Ilocos Norte isip kabahin sa ilang Anibersaryo sa Pagkatukod.
