CEBU CITY-Pagkanaug sa pwesto ni Presidente Rodrigo Duterte ang usa sa panagawan sa mga progresibong grupo kinsang nagpahigayun ug lihuk protesta sa dalan Colon.
Gibutyag ni Jun Malicay, ang regional coordinator sa Anak-Pawis Partylist, nga gi-ubanan nila ang gipakigbisugan sa Kilusang Magbubukid ng Pilipinas nga hunungon na sa Duterte administration ang pagpatuman sa Rice Liberalization o ang Rice Tariffication Law kansang giingong naghinay-hinay ug patay sa mga lokal nga mag-uuma.
Dugang pa sa ilahang singgit mao ang pagpahunong sa gobyerno sa ‘land conversion’ kung diin gigamit na ang mga yuta alang sa komersyo ug industriyalismo.
Subay niini, panawagan sa mga progresibong grupo ang pagkanaug ni Presidente Duterte gumikan sa pakyas niini nga pagtuman sa saad ngadtu sa mga mag-uuma.
Nagkanayun si Malicay nga dili na epektibo si Duterte isip presidente sa nasud. (SBR)
