Mitambong sa iyang labing unang Imperial Banquet sa Imperial Palace si Prince Hisahito, 19 anyos, niadtong Mayo 27 isip kabahin sa seremonyas sa pag-abiabi sa opisyal nga pagbisita ni President Ferdinand “Bongbong” Marcos Jr. ug First Lady Liza Araneta-Marcos sa Japan.
Ang maong diplomatikong panihapon giisip nga usa ka makasaysayanong higayon alang sa batan-ong prinsipe, kinsa sa kasamtangan maoy ikaduha sa linya sa Chrysanthemum Throne sa Japan.
Kung diin, ang pagtambong sa mga ingon niini nga okasyon usa ka importante nga lakang sa iyang pagdawat sa mas pormal nga mga katungdanan sa imperyal nga pamilya.
Lakip usab sa mga highlight sa bangkete mao ang mainitong panagsulti tali sa Kalihim sa Department of Trade and Industry (DTI) nga si Ma. Cristina Roque ug ni Prince Hisahito, nga nagpakita sa nagkalalom nga relasyon sa taliwala sa Pilipinas ug sa delegasyon sa Hapon.
