CEBU CITY-Andam ang Provincial Regional Office kun PRO-7 nga mupadala og dugang nga pwersa sa kapulisan ngadto sa Marawi City.
Kini ang gibutyag ni PRO-7 Dir. P/C Supt. Noli Talinio human sa nahitabong pagsulong sa Maute Group sa Marawi City.
Matud ni Taliño nga kung ugaling mumando ang PNP headquarters nga magpadala sila ug dugang nga kapulisan sa Marawi, andam sila ug daan na sila nangandam kagahapon pa lang human nga nahitabo ang maong engkwentro.
Gibutyag usab ni Taliño nga full alert status karon ang dakbayan sa Sugbo kalabot niining maong panghitabo diin mas hugot nga seguridad ang ipatuman sa rehiyon.Dugang sa Dir. nga doble ang himoon nga checkpoint karon sa kadalanan ug seguridad sa mga pantalanan.
Gidugang pa ni Taliño nga padayon sila nga nakig-alayon sa Muslim Community sa pagmonitor sa ilang kaubanang Muslim sa Marawi ug iyang gitino nga wala pa silay nadawat nga directang hulga sa Central Visayas.
Samtang gipasalig ni Col. Medel Aguilar, Centcom head sa Unified Command staff for Civil Military Operations-7 nga padayon nga alerto ang ilang Campo sa Lapu-lapu dinhi sa Sugbo ug ingon ang Arm Forces of the Philippines.
Kini nunot sa nahitabo nga engkwentro sa Marawi City human nga gi-atake kini sa Maute Group.Sukwahi usab kini sa gihulagway sa PNP sa nga naka highten-alert sila.
Nagkanayon si Aguilar nga wala silay specified nga degree sa level sa ilang ipatuman nga seguridad apan iyang gipasalig nga padayon nga naka-alerto ang AFP sa Central Visayas.
Subli usab nga gisiguro ni Aguilar nga luwas ang Central Visayas ug padayon ang ilang pagmonitor ug pagverify sa mga impormasyon nga nadawat nila gikan sa intelligence.
