CENTRAL VISAYAS-Mibisita sa Cebu City Police Office (CCPO) si Police Regional Office – Central Visayas (PRO-7) Regional Director Police BGen Redrico Maranan niadtong, Sabado, Pebrero 15, 2025.
Nagtimaan kini sa unang higayon sa pagbisita sa opisyal sukad nabutang sa pwesto isip mangulo sa kapulisan sa Central Visayas niadtong Enero 9.
Sa maong pagbisita, si Police BGen Maranan kay mipahigayon og ispeksyon sa mga police equipments nga gidalit gikan sa kagamhanang dakbayan sa Sugbo lakip na ang mga assault ug sniper rifles nga gitugyan ngato sa Special Weapons and Tactics (SWAT) unit.
Dul-an 300 ka mga armas ang nakumpiska sa CCPO sa gipahigayong Simultaneous Anti-Criminality and Law Enforcement Operation kay gipakita sab kang Police BGen Maranan lakip na ang mga gi-surrender voluntarily ngadto sa mga awtoridad.
Samtang si CCPO City Director Police Col Enrico Figueroa kay gipresentar sab ang mga bag-ong gitukod nga mga police outpost nga adunay mga importanteng detalye sama sa 11 ka mga police stations sa dakbayan sa Sugbo ug mga ekipo sa kapulisan niini sama sa blinkers, megaphone, ug uban pa.
Matod ni Police Col Figueroa nga plano pa nilang palapdan ang police outpost deployed ngadto sa 30 diin aduna kiniy 24-hour shifts kinuyugan sa mga roving patrolmen.
Bahin sa maong lakang kay gidayig ni Police BGen Maranan ang inisyatiba ni Police Col Figueroa sa hinaot nga 90% sa mga kapulisan kay ma deploy sa mga kadalanan.
