CENTRAL VISAYAS- Nipahigayon ang Police Regional Office 7 (PRO7) og 268 ka mga operasyon sa tibuok Central Visayas gikan Hunyo 13 hangtod Hulyo 17, 2025.
Hinungdan nga nakasakmit sila og 268 ka mga armas nga walay lisensya ug nakadakop og 142 ka mga indibidwal. Ang mga operasyon naglakip sa mga tubag sa pulisya, search warrant, buy-bust, ug pag-aresto, nakuha usab ang 14 ka mga eksplosibo.
Ubos sa Comprehensive Firearms and Ammunition Regulation Act (RA 10591), ang loose firearms kay dili rehistrado o illegal nga gipanag-iya nga mga armas, lakip na ang smuggled, homemade, o expired nga armas. Ang ilang pagsakmit makatabang sa pagpugong sa krimen.
Narekober sa Revitalized Katok Program ang 19 ka boluntaryong mitahan sa armas pinaagi sa community outreach.
Matod ni PRO7 Regional Director PBGen Redrico A. Maranan, kini makapakunhod sa krimen ug makapanalipod sa mga kinabuhi.
Hinungdan, nga gihatagan niini og gibug-aton nga magpadayon sila sa pagtrabaho uban sa publiko alang sa mas luwas nga mga komunidad, miawhag usab kini sa pagtaho sa mga kadudahang paghupot og armas.
