Dili apektado ang produksyon sa sektor sa panagat sa Pilipinas sa ‘no trespassing policy’ sa China sa disputed waters nga nasulod sa exclusive economic zone sa nasud, matud pa ni Bureau of Fisheries and Aquatic Resources (BFAR) spokesperson Nazario Briguera.
Kini gumikan kay wala man giila sa Pilipinas ang unilateral declaration sa China.
Gibutyag usab sa BFAR official nga pag-abot sa produksyon sa isda, importante ang kontribusyon sa West Philippine Sea.
Basi sa datos gikan sa BFAR, ang West Philippine Sea kay naghatag og 6% hangtud sa 7% sa kinatibuk-ang sektor sa panagat sa nasud kung diin anaa sa dul-an 400,000 ka mga mananagat ang anaa sa territorial waters.
Taliwa sa hulga sa China nga pagsikop ug pag-priso sa mga langyaw nga musulod sa ilahang giangkon nga teritoryo sa West Philippine Sea, gitaho sa Philippine Coast Guard nga midaghan ang mga managagat nga Pilipino nga nanagat sa lugar gumikan usab sa mas gipahugtan nga presensya sa mga barko sa nasud arun nga protektaran ang mga Pilipinong mananagat.
