CENTRAL VISAYAS-Subay sa pagsaka sa presyo sa bugas sa nasud, nakatagamtam og kalisod ang mga Pilipino lakip na ang mga ‘imported rice’ nga gikan sa Vietnam nga maoy labing gisaligan sa mga katawhan.
Sa pakighinabi sa Bombo Radyo Cebu kang Jaime Paglinawan, kinsang Chairman sa Bagong Alyansang Makabayan sa Central Visayas, niingon nga bisan paman kaniadto sa mga milabay nga presidente, nagsalig na sa ‘importing’ ang nasud, diin ang hilabihan nga nabulahan ang mga negosyante.
Dugang pa niini, nga adunay mga ‘smuggling’ nga nahitabo diin wala gideklarar ang tinuod nga ‘volume’ arun maka-save sa buhis.
Sa laing bahin, natingala usab si Paglinawan sa dili pagbuhi sa Presidente isip Secretarya sa Agriculture bisan palpak ang iyahang pagdumala sa naasoy nga ahensya.
